Yn 2001, graddiodd Natalie gyda gradd BA (Anrh.) mewn Rheoli Busnes Ewropeaidd, ac yn ystod ei gradd cafodd brofiad yn gweithio gyda Quaker Chemicals yn Barcelona. Ar ôl graddio, ymunodd Natalie â Bwrdd Twristiaeth Cymru, lle roedd yn gyfrifol am reoli’r rhaglen hyfforddiant ar sail y diwydiant twristiaeth ar gyfer gwefan newydd Croeso Cymru. 

Yn 2006, ymunodd Natalie â Llywodraeth Cymru i reoli pecyn cymorth ar-lein Rheoli Cyrchfannau Cymru. Yn 2012, cafodd Natalie ddyrchafiad ac ymunodd â’r adran Arloesedd gan gael ei phenodi i swydd rheolwr Ymgysylltu ag Academia. Roedd yn gyfrifol am reoli datblygiad a gweithrediad gwefan Arbenigedd Cymru.

Ar hyn o bryd mae’n Rheolwr Partneriaeth Trosglwyddo Gwybodaeth (KTP) yn Adran Arloesedd Llywodraeth Cymru, ac mae Natalie’n gyfrifol am ddau weithrediad, gan gynnwys KTP a Phartneriaethau SMART. Mae’r ddau’n cynnig cefnogaeth i fusnesau a sefydliadau ymchwil Cymru i fasnacheiddio cynnyrch, prosesau a gwasanaethau newydd a ddatblygir drwy ymchwil, datblygiad a phrosesau arloesedd.