Mae Kirsty Williams wedi bod yn Weinidog Addysg Cymru ers mis Mai 2016. Daeth i’r llywodraeth yn dilyn cytundeb gyda’r Prif Weinidog, gan arwain “cenhadaeth genedlaethol o ddiwygio addysg” ar bob lefel. Hi yw aelod Cynulliad Aberhonddu a Sir Faesyfed ers 1999, a hi oedd Arweinydd Democratiaid Rhyddfrydol Cymru 2008-2016. Hi oedd arweinydd benywaidd cyntaf plaid wleidyddol yng Nghymru. Mae’n briod â ffermwr ac mae ganddynt dair merch. Maent yn byw ar y fferm deuluol y tu allan i Aberhonddu.