Kate yw Cyfarwyddwr Rhaglen Adnewyddu Cymru, rhaglen arloesol a gynhelir gan Gymdeithas Ymddiriedolaethau Datblygu Cymru sy'n hwyluso gweithredu cymunedol i leihau ôl troed carbon, addasu i effeithiau newid yn yr hinsawdd a byw'n fwy cynaliadwy. 

Mae wedi gweithio ar ddatblygu dynol cynaliadwy a theg drwy gydol gyrfa sydd wedi cynnwys darparu rhaglenni, datblygu polisi ac ymchwil academaidd ym maes datblygu rhyngwladol, a gwaith mwy diweddar yng Nghymru ar les cenedlaethau'r dyfodol - gan gynnwys gweithio i Gomisiynydd Cenedlaethau'r Dyfodol, adeiladu tystiolaeth ac arferion o ran defnyddio coetiroedd ar gyfer lles gyda Coed Lleol, ac addysgu dysgwyr gydol oes sut i ddatblygu tirweddau cynaliadwy , systemau a chymunedau ar gyfer Prifysgol Aberystwyth. 

Ar lefel bersonol mae'n teimlo’n gryf y dylai pobl gael llais ym mhob man lle mae pŵer yn cael ei arfer, ac mae’n credu’n gryf hefyd ei bod yn bosibl i bawb ar y ddaear fyw bywydau da a chyfartal gan barchu terfynau planedau a meithrin natur - ond dim ond os awn ati mewn ffyrdd digon meddylgar ac ar fyrder.