Mae Simon Wright yn berchennog bwyty, ysgrifennydd bwyd ac ymgynghorydd gyda diddordeb arbennig mewn bwyd a chynaliadwyedd.

Mae'n gyn-gynllunydd tref ar ôl graddio o Goleg Polytechnig Bryste ar y pryd yn 1985 gyda gradd BA (Anrhydedd) mewn Cynllunio Gwlad a Thref.

Yna gweithiodd Simon am gyfnod byr i Gyngor Dosbarth Three Rivers yn Swydd Hertford cyn ymuno ag Adran Gynllunio a Datblygu Cyngor Dinas Caerdydd yn 1987. Gweithiodd yn yr isadrannau Blaen Gynllunio a Rheoli Datblygu a phenodwyd ef i'r swydd Uwch Gynlluniwr cyn gadael i ymuno â Chyngor Bwrdeistref Llanelli fel Swyddog Cynllunio Ardal yn 1992. Ar ôl blwyddyn gadawodd lywodraeth leol i ganolbwyntio ar fwyty'r teulu yn y Four Seasons, yn Nantgaredig.

Sefydlodd Simon a’i wraig Maryann Wright’s Food Emporium, Llanarthne, busnes caffi/bwyty/siop fwyd ar ddiwedd 2013 ar ôl gwerthu eu cyfran yn Y Polyn, bwyty llwyddiannus sydd wedi ennill gwobrau. Mae Wright’s yn canolbwyntio ar ddefnyddio bwyd lleol a chynaliadwy, ac mae wedi ennill llawer o wobrau gan gynnwys ymddangos yng ngwobrau 100 Bwyty Gorau’r DU a chael ei enwi gan The Observer fel un o’r 40 lle gorau i fwyta yn y DU. Mae Wright’s wedi’i leoli yn yr hyn a oedd yn dafarn coets wag a oedd yn dirywio’n gyflym yng nghefn gwlad Sir Gaerfyrddin. Ar ddiwedd 2019 roedd gan Wright’s drosiant o fwy na £1 miliwn cyn TAW, roedd yn cyflogi 15 aelod o staff llawn amser ac yn denu oddeutu 1500 o gwsmeriaid bob wythnos.

Yn 1997 ymunodd Simon â'r AA fel arolygydd bwytai, a chymrodd drosodd fel Golygydd Llawlyfr Bwytai'r AA yn 1999. Mae wedi ysgrifennu dau lyfr, Tough Cookies (Profile 2005) a The Wright Taste (Gomer/BBC) yn 2009. 

Mae Simon wedi gweithio fel darlledwr teledu a radio i'r BBC a Channel 4. Mae ei raglenni'n cynnwys:

• The Wright Taste - 2009 BBC2 Wales
• Make do and Mend 2012 C4
• The Kids Who Fell in Love with Food 2014 BBC Radio Wales
• Wales on the Menu BBC Radio Wales 2010 -2015
• The Secret Life of Welsh Food BBC Radio Wales 2016-1019

Mae Simon hefyd wedi gweithio am 10 mlynedd ar bob pennod o Ramsay’s Kitchen Nightmares yn y DU ac yn Ewrop fel Ymgynghorydd Bwytai.

Yn 2010 dyfarnwyd Gwobr Hyrwyddwr Gwir Flas Cymru i Simon am ei “ymroddiad i fwyd a diod o Gymru”. Mae'r gwobrau blynyddol gan Lywodraeth Cynulliad Cymru, yn cydnabod cwmnïau ac unigolion sydd wedi gwneud cyfraniadau rhagorol i ddiwydiant bwyd a diod Cymru. Roedd y wobr yn cydnabod ei lwyddiannau wrth olygu Llawlyfr Bwytai'r AA a chyflwyno The Wright Taste ar BBC Cymru yn ogystal ag addysgu plant ifanc am fwyd a chyflwyno gwersi coginio i ysgolion.

Mae Simon wedi gwasanaethu ar Fwrdd Cynghori ar Fwyd Llywodraeth Cymru ac mae wedi bod yn weithgar ers sawl blwyddyn yn cyfrannu at bolisi bwyd ar bob lefel o Lywodraeth gan gynnwys y Strategaeth Fwyd i Gymru a'r Cynllun Gweithredu Twristiaeth Bwyd. Ar hyn o bryd, mae'n gweithio gyda Choleg Sir Gâr ar ddylunio cyrsiau addysg bellach yn seiliedig ar gynhyrchu bwyd cynaliadwy a lleol a chyda Chyngor Sir Gâr fel partner ar ei brosiect sydd ar ddod gyda'r nod o roi bwyd lleol ar y plât cyhoeddus.

Yn ddiweddar, sefydlodd Simon Gymundod Bwytai Cymraeg Annibynnol fel ymateb i'r heriau sy'n wynebu'r sector o ganlyniad i Covid-19. Bellach mae gan y grŵp dros 300 o fusnesau ategol ledled Cymru ac mae'n ymgysylltu'n weithredol â Llywodraeth Cymru ar strategaethau ar gyfer goroesiad ac adferiad y sector.